Cambodia

អាកាសយានដ្ឋានធំរបស់ថៃផ្តល់ជូនការធ្វើតេស្តលឿនៗរកកូវីដ១៩ដល់ភ្ញៀវអន្តរជាតិ

ចែករម្លែក

អាកាសយានដ្ឋានអន្តរជាតិដ៏សំខាន់របស់ថៃបានបង្ហាញការធ្វើតេស្តរកកូវីដ១៩បានយ៉ាងឆាប់រហ័សកាលពីថ្ងៃសុក្រ ទី៣ ខែកក្កដា សម្រាប់ការមកដល់របស់ភ្ញៀវពីក្រៅប្រទេសមួយចំនួន បន្ទាប់ពីការហាមឃាត់រយៈពេល ៣ ខែទៅលើភ្ញៀវទេសចរបរទេសត្រូវបានដកចេញដោយអន្លើរនៅក្នុងខែនេះ។

ជនបរទេសទាំងអស់លើកលែងតែអ្នកដែលមានការអនុញ្ញាតការងារត្រូវបានហាមឃាត់ចាប់តាំងពីខែមីនាប៉ុន្តែបន្ទាប់ពីជាង ៥ សប្តាហ៍ដោយមិនមានការឆ្លងក្នុងសហគមន៍ ថៃកំពុងអនុញ្ញាតឱ្យក្រុមជនបរទេសមួយចំនួនចូលមកវិញហើយ។

អ្នកដំណើរធុរកិច្ចអ្នកការទូតនិងភ្ញៀវរដ្ឋាភិបាល ដែលស្នាក់នៅតិចជាង ១៤ ថ្ងៃ ត្រូវបានចាត់ទុកជា “អ្នកដំណើរចូលលឿនចេញលឿន” ដែលនឹងត្រូវធ្វើតេស្តរកកូវីដ១៩នៅឯអាកាសយានដ្ឋានសុវណ្ណភូមិដើម្បីធានាថាពួកគេគ្មានមេរោគមុននឹងចូលប្រទេសថៃ។

លោក ស៊ូវីច ធម្មាប៉ាឡូ មន្ត្រីនៃនាយកដ្ឋានគ្រប់គ្រងជំងឺឆ្លងរបស់ថៃបាននិយាយថា “ការធ្វើតេស្តនេះត្រូវចំណាយពេលប្រហែល ១ ម៉ោងកន្លះ”។ លោកនិយាយថា ការប្រើប្រាស់វិធីធ្វើតេស្តបែបនេះអាចនឹងពង្រីកនៅពេលអនាគតសម្រាប់ការមកដល់របស់ទេសចរដទៃទៀត។

ការធ្វើតេស្តនៅអាកាសយានដ្ឋាន ដែលគិតថ្លៃ ៣.០០០ បាត គឺជាការតម្រូវចាំបាច់សម្រាប់អ្នកដំណើរចេញចូលលឿនៗ ដោយមិនចាំបាច់ចំណាយពេលបង្ខាំងខ្លួនឯង ១៤ ថ្ងៃ ហើយតេស្តនេះគឺតម្រូវការសម្រាប់ជនបរទេសផ្សេងទៀតដែលត្រូវបានអនុញ្ញាតឱ្យចូលថៃក្នុងពេលថ្មីៗនេះរាប់ចាប់ពីអ្នកដែលមានឋានៈជាអ្នករស់នៅស្រុកថៃឬគ្រួសារនៅក្នុងប្រទេសថៃក៏ដូចជានិស្សិតអន្តរជាតិផងដែរ។

លោកធម្មាប៉ាឡូបានបន្ថែមថា រដ្ឋាភិបាលកំពុងពិចារណាលើផែនការបើកឱ្យមានការធ្វើដំណើរអន្តរជាតិច្រើនថែមទៀតនៅខែកញ្ញា៕ ដោយ៖ កញ្ញាដាលីស

អាកាសយានដ្ឋានសុវណ្ណភូមិផ្តល់ជូនការធ្វើតេស្តលឿនៗរកកូវីដ១៩ដល់ភ្ញៀវអន្តរជាតិ

Football news:

Ødegård prematurely returned to the real world of rental Sociedade
Arsenal and Roma are discussing the exchange of Torreira for diavar
The trained bear was brought to the dressing room of the Sakhalin Resident
De Ligt had shoulder surgery and will miss 3 months
Modibo – infected with coronavirus Barcelona player. The disease passes without symptoms
Lichtsteiner finished his career. The former Juve and Arsenal defender is 36 years old
Matuidi left Juventus. The midfielder will move to Inter Miami Beckham