Cambodia

អ៊ីរ៉ង់​ត្រៀមខ្លួន​ឆ្លើយតប​ចំពោះ​ការធ្វើឃាត ខណៈ​រៀបចំ​បញ្ចុះសព​អ្នកវិទ្យាសាស្ត្រ​កំពូល​របស់​ខ្លួន​

ប្រែ​សម្រួល : កញ្ញា​ដា​លី​ស /តេអេរ៉ង់៖ ការជជែក​វែកញែក​បាន​ផ្ទុះឡើង​នៅក្នុង​ប្រទេស​អ៊ីរ៉ង់​កាលពី​ថ្ងៃអាទិត្យ​ជុំវិញ​វិធី​និង​ពេលវេលា​ត្រូវ​ឆ្លើយតប​ទៅនឹង​ការធ្វើឃាត​អ្នកវិទ្យាសាស្ត្រ​នុយក្លេអ៊ែរ​កំពូល​របស់​ខ្លួន ខណៈ​សាកសព​របស់គាត់​ត្រូវបាន​តម្កល់​នៅ​ឯ​ទី​សក្ការៈបូជា​និយ​កាយស៊ី​អ៊ីត​ដើម្បី​រៀបចំ​បញ្ចុះ​។​

​ពីរ​ថ្ងៃ​បន្ទាប់ពី​លោក ម៉ូ​សេន ហ្វាក​រី​ហ្សា​ដេស បាន​ទទួលមរណភាព​ដោយសារ​របួស​នៅក្នុង​ការបាញ់ប្រហា​ររ​វាង​អង្គរក្ស​របស់​គាត់​និង​ខ្មាន់កាំភ្លើង​មិន​ស្គាល់​អត្តសញ្ញាណ​នៅ​ជិត​ទី​ក្រុងតេអេ​រ៉ង់​សភា​បាន​​ទាមទារ​ឱ្យ​បញ្ឈប់​ការធ្វើ​អធិការកិច្ច​របស់​អន្តរជាតិ​នៅ​ទីតាំង​នុយក្លេអ៊ែរ​អ៊ីរ៉ង់ ខណៈ​មន្ត្រីជាន់ខ្ពស់​មួយរូប​បាន​ណែនាំ​ឱ្យ​អ៊ីរ៉ង់​គួរតែ​ចាកចេញ​ពី​សន្ធិសញ្ញា​មិន​រីកសាយ​អាវុធ​នុយក្លេអ៊ែរ​ជា​សកល​។​

​ក្រុមប្រឹក្សា​សន្តិសុខ​ជាតិ​ជាន់ខ្ពស់​របស់​អ៊ីរ៉ង់​ជាធម្មតា​គឺ​ជា​អ្នក​ធ្វើ​សេចក្តីសម្រេចចិត្ត​ទាក់ទង​នឹង​កម្មវិធី​នុយក្លេអ៊ែរ​របស់​ប្រទេស​ហើយ​សេចក្តីព្រាងច្បាប់​នៅ​សភា​ត្រូវតែ​អនុម័ត​ដោយ​ក្រុមប្រឹក្សា​​អាណា​ព្យាបាល​ដ៏​មាន​ឥទ្ធិពល​។​

​ប្រធានាធិបតី​ហាស​សាន់ រូ​ហា​នី​បាន​សង្កត់ធ្ងន់ថា អ៊ីរ៉ង់​នឹង​សងសឹក​តាម​ពេលវេលា​កំណត់​ជាក់លាក់ ហើយ​នឹង​មិន​ប្រញាប់ប្រញាល់​ឡើយ ព្រោះ​ខ្លាច​ជាប់អន្ទាក់​គេ​។​

​អ៊ីស្រាអែល​និយាយថា លោក ហ្វាក​រី​ហ្សា​ដេស​គឺជា​ប្រធាន​កម្មវិធី​នុយក្លេអ៊ែ​រ​យោធា​អ៊ីរ៉ង់ ដែល​អត្ថិភាព​របស់​វា​ត្រូវបាន​សាធារណរដ្ឋ​អ៊ីស្លាម​អ៊ីរ៉ង់​បដិសេធ​ជាប្រចាំ​ហើយ​រដ្ឋាភិបាល​ក្រុង​វ៉ាស៊ីនតោន​បាន​​ដាក់​ទណ្ឌកម្ម​លើ​រូប​លោក​កាលពី​ឆ្នាំ ២០០៨ ចំពោះ​សកម្មភាព​ដែល​ទាក់ទង​នឹង​គ្រាប់បែកបរមាណូ​របស់​អ៊ីរ៉ង់​។​

​យោងតាម​ប្រព័ន្ធ​ផ្សព្វផ្សាយ​អ៊ីរ៉ង់​សាកសព​របស់​អ្នកវិទ្យាសាស្ត្រ​រូបនេះ​ត្រូវបាន​យក​ទៅ​ធ្វើ​ពិធី​មួយ​កាលពី​ថ្ងៃ​អាទិត្យ​នៅ​ទី​សក្ការៈបូជា​ដ៏​សំខាន់​មួយ​នៅក្នុង​ទីក្រុង​ខូម​មុន​ពេល​ដឹក​ទៅកាន់​ទីសក្ការៈ​​បូជា​របស់​ស្ថាបនិក​សាធារណរដ្ឋ​អ៊ីស្លាម លោក អ៊ី​ម៉ាន់ ខូ​មេនី​។​

​ក្រសួង​ការពារជាតិ​បាន​និយាយ​នៅលើ​វេបសាយ​របស់​ខ្លួន​ដោយ​មិន​បាន​បញ្ជាក់​ពី​ទីកន្លែង​យ៉ាង​ដូច្នេះ​ថា ពិធី​បុណ្យសព​របស់​លោក ម៉ូ​សេន ហ្វាក​រី​ហ្ស​ដេស​នឹង​ត្រូវ​ធ្វើឡើង​នៅ​ថ្ងៃ​ចន្ទ​នេះ​ដោយមាន​​វត្តមាន​របស់​មេ​បញ្ជាកា​រ​យោធា​ជាន់ខ្ពស់​និង​ក្រុមគ្រួសារ​របស់​គាត់​៕

​សព​លោក ម៉ូ​សេន ហ្វាក​រី​ហ្សា​ដេស​ នឹង​ត្រូវ​បញ្ចុះ​នៅ​ថ្ងៃ​ចន្ទ​នេះ​

ទីតាំងផ្សាយពាណិជ្ជកម្ម

Football news:

Pioli on Zlatan's red: He apologized. This is what great champions do, which is what Ibrahimovic is
Pep Guardiola: Football is complicated. The only way I know how to be a coach is just to think about Sheffield
Conte said that Eriksen will not leave Inter: He is part of our project. Christian is a very smart guy
Tuchel wants to see Holand at Chelsea. The club will not buy Rice from West Ham after the change of coach
Eriksen pro goal for Milan: It was the perfect free kick for me. I am very happy
Conte on 2-1 with Milan: Before the winning goal, the result was unfair. Their goalkeeper is the best player of the match
Mikel Arteta: Arsenal did everything right, but they lost. Wins give confidence