logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
star Bookmark: Tag Tag Tag Tag Tag
Cambodia

តាមពិត​ប្រពន្ធ​ដែល​វេច​បង្វិច​ចុះ​ចោល​ប្ដី​ កាល​ជាង​១០​ថ្ងៃមុន​នោះ ​គឺជា​ការ​រត់​គេច​ពី​ការធ្វើ​បាប​ពី​សំណាក់​ប្ដី​កំហូច​វិញ​សោះ

ភ្នំពេញ ៖ ពេលនេះ​ស្ដ្រី​ជា​ប្រពន្ធ​បាន​ចេញ​មុខមក​បកស្រាយ​ហើយ​ជុំវិញ​រឿងរ៉ាវ​ដែល​បុរស​ជា​ប្ដី​អះអាង​ថា គ្រាន់តែ​ឈ្លោះប្រកែក​គ្នា​បន្ដិច​បន្ដួច​ប្រពន្ធ​លក់​សម្ភារៈ ដី ធ្លី​និង​ម៉ូតូ វេច​លុយ​ចុះ​ចោល​ប្ដី​បាត់ ដែល​ដំណឹង​នេះ​ធ្វើ​ឲ្យ​នាង​ជា​ប្រពន្ធ​កើតទុក្ខ​មិន​សុខចិត្ត​និង​បាន​ចេញ​មុខមក​បកស្រាយ​នៅ​ចំពោះ​មុខ​សមត្ថកិច្ច​ប៉ុស្ដិ៍​ចោមចៅ​បី​ថា តាមពិត​គ្មាន​រឿង​ដូច​ប្ដី​នាង​ចោទប្រកាន់​នោះ​ទេ ការ​ចាក​ចេញ​ពី​ផ្ទះ​នោះ​ដោយសារ​នាង​គេច​ចេញពី​ប្ដី​កំហូច​ដែល​វាយ​ធ្វើបាប​នាង​និង​បំផ្លាញ​លុយកាក់​ជាដើម​គ្មាន​រក​ស៊ី​អី​ទេ ទើប​នាង​សម្រេចចិត្ត​ទៅ​មួយ​រយៈ នៅពេល​ប្រពន្ធ​បកស្រាយ​បែបនេះ​បុរស​ជា​ប្ដី​ស្ងាត់​មាត់​ដូច​គេ​ចុក​នៅ​នឹង​មុខ​សមត្ថកិច្ច។

ស្ដ្រី​ជា​ប្រពន្ធ​បានសម្រេច​ចេញមុខ​ត្រឡប់​មក​បកស្រាយ​បែបនេះ​កាលពី ល្ងាច​ថ្ងៃទី​២៣ ខែសីហា ឆ្នាំ​២០១៩ នៅ​សាលាសង្កាត់​ចោមចៅ​៣ ខណ្ឌ​ពោធិ៍​សែន​ជ័យ។

តាម​ប្រភព​ព័ត៌មាន​បា​ម​ឲ្យ​ដឹង​ថា នៅ​ពេល​នាង​ជា​ប្រពន្ធ​បកអាក្រាត​ប្ដី​បែបនេះ ប្ដី​ក៏​មាន​វត្ត​មាននៅ​ទី​នោះដែរ​ប៉ុន្តែ បុរស​នេះ​មិន​អាច​ហើប​មាត់​និយាយ​តបត​ជាមួយ​ប្រពន្ធ​សូម្បីតែ​១​ម៉ាត់​ឡើយ។ ស្ត្រី​រូប​នោះ​ឈ្មោះ សៅ រដ្ឋា អាយុ​៣១​ឆ្នាំ មុខរបរ​កម្មការិនី​រោងចក្រ មាន​ស្រុកកំណើត​នៅ​ក្នុង​ភូមិ​ព្រែក​ឪជ្រឹង​(​ក​) ឃុំ​ព្រែក​រំដេង ស្រុក​ស្រី​សន្ធរ ខេត្តកំពង់ចាម​។ ចំណែក​ប្ដី​ឈ្មោះ ចេង ពិសិដ្ឋ អាយុ​២៧​ឆ្នាំ មុខរបរ​កម្មករ​រោងចក្រ ស្នាក់នៅ​បន្ទប់​ជួល​ក្នុងភូមិ​ត្រពាំង​ថ្លឹង សង្កាត់​ចោមចៅ​ទី​១ ខណ្ឌ​ពោធិ៍​សែន​ជ័យ រាជធានី​ភ្នំពេញ។

នាង​បាន​និយាយ​ថា សម្ដី​ដែល​ប្ដី​នាង​និយាយ​ទាំង​ប៉ុន្មាន​ដូចជា​ជ្រុល​ពេក​ហើយ គឺជា​ពាក្យ​កុហក​បោកប្រាស់​មួលបង្កាច់​ធ្វើ​យ៉ាង​ណា​ឲ្យ​មហាជន​យល់​ច្រឡំ​ថា នាង​ជា​មនុស្ស​អាក្រក់​បំផុត។ ប៉ុន្តែ​ការពិត​នាង​មិនមែន​ជា​មនុស្ស​បែបនេះ​ទេ គឺ​ប្ដី​ទេ​ដែល​ជា​មនុស្ស​ខូច​តែង​រករឿង​វាយ​ធ្វើបាប​រូប​នាង​ជា​ញឹកញាប់ ហើយ​ជា​មនុស្ស​គ្មាន បានការ​មិនដែល​ផ្ដល់​សុភមង្គល​ជូន​នាង​ម្ដងណា​ទេ​។

នាង​បាន​បញ្ជាក់​បន្ថែម​ទៀត​ថា ដោយសារតែ​ការ​រក​រឿង​ប្រើ​អំពើ​ហិង្សា​វាយដំ​រូបនាង​បែប​នេះ​ហើយ​ទើប​នាង​មិន​អាច​រស់នៅ​ជាមួយ​បាន​តទៅទៀត​ក៏​សម្រេចចិត្ត​ចុះ​ចេញទៅ​រស់នៅ​បណ្ដោះអាសន្ន​ផ្ទះ​បង​សិន ដើម្បី​គេច​ពី​ការតាមរក​រឿង​វាយដំ​ពី​សំណាក់​ប្ដី​រូបនេះ​។ ចំណែក​ពាក្យ​ចោទ​ថា នាង​ប្រមូល​ទ្រព្យសម្បត្តិ​ដូចជា​ម៉ូតូ ដី និង​សម្ភារ ប្រើប្រាស់​លក់​អស់​រួច​វេច​លុយ​រត់​នោះ ជា​ពាក្យ​មិន​ពិត​ទាល់តែ​សោះឡើយ ព្រោះ​ទ្រព្យសម្បត្តិ​ទាំងអស់ នោះ​គឺ​បាន​លក់​អស់​តាំងពី​នៅ​ជុំគ្នា​មក​ម្ល៉េះ ហើយក៏​ព្រោះតែ​ប្ដី​មិនបានការ​នេះដែរ។

ក្រោយពី​ប្រពន្ធ​បកស្រាយ​បែបនេះ​នៅ​នឹង​មុខ​បុរស​ជា​ប្ដី​មិន​អាច​និយាយ​ចេញ​សូម្បីតែ​១​ម៉ាត់ ដែល​មើល​ទៅ​ហាក់​ចំ​សាច់រឿង​ដែល​ខ្លួន​ប្រព្រឹត្ត​ទៅលើ​ប្រពន្ធ​។ បន្ទាប់មក​អាជ្ញាធរ​បាន​ប្រាប់​ឲ្យ​អ្នក ទាំង​២​ទៅ​ដោះស្រាយ​គ្នា​តាម​ផ្លូវ​តុលាការ​នៅឯ​ស្រុកកំណើត ដែល​ពួកគេ​រៀបការ​ជាមួយគ្នា​ចុះ ហើយ​ពួកគេ​ក៏បាន​ចាក​ចេញទៅ​បាត់ទៅ​។

គួរ​បញ្ជាក់​ថា កាលពី ថ្ងៃទី​២២ ខែសីហា បុរស​ជា​ប្ដី​រូប​នេះ បាន​កាន់​រូបថត​អាពាហ៍ពិពាហ៍​របស់​ខ្លួន និង​ប្រពន្ធ​ចំនួន​២​សន្លឹក ជា​ភស្តុតាង​ធ្វើដំណើរ ទៅកាន់​សាលាសង្កាត់​ចោមចៅ​៣ ខណ្ឌ​ពោធិ៍​សែន​ជ័យ ដើម្បី​សុំ​ឲ្យ​អាជ្ញាធរ​ជួយ​អន្តរាគមន៍ ប្រកូក​ប្រកាស​រកប្រពន្ធ​របស់ខ្លួន​ឲ្យ​ចូលខ្លួន​មក​ដោះស្រាយ​គ្នា​ផង។

ដោយ​បុរស​នេះ​បាន​ចោទប្រកាន់​ថា បាន​រៀបការ​ជាមួយគ្នា​ជា​ប្ដី​ប្រពន្ធ​ជាង​៣​ឆ្នាំ​កន្លង​មក​ហើយ គ្រាន់តែ​មានរឿង​ឈ្លោះ​គ្នា​បន្តិចបន្តួច​សោះ ស្រាប់តែ​ប្រពន្ធ​លេង​១​ក្បាច់​ធ្វើ​ឲ្យ​ខ្លួន​ស្ទើរ​កកឈាម​ស្លាប់​ទៅហើយ​។ ដោយ​នាង​បាន​ប្រមូល​សម្ភារៈ​ក្នុង​ផ្ទះ ដីធ្លី និង​ម៉ូតូ​១​គ្រឿង​ផង​លក់​យក​លុយ​ព្រមទាំង​ដេញ​តុងទីន​ថែមទៀត រួច​យក​លុយ​វេច​បង្វិច​រត់ចោល​ខ្លួន ជាង​១០​ថ្ងៃ​កន្លង​មកហើយ​។

បន្ទាប់ពី​មានរឿង​រ៉ាវ​បែបនេះ​ទើប​ពេលនេះ​នាង​ជា​ប្រពន្ធ​បាន ចេញមុខ​មក​បកស្រាយ​ហែក​រឿង និង​ទង្វើ​ដែល​ប្ដី​ធ្វើ​ដាក់​នាង​កន្លងមក​ខ្ទេច​តែម្ដង​ហើយ​ប្ដី​ដូចជា​គ្មាន​ពាក្យ​អី​ឆ្លើយតប​ទៅនឹង​ប្រពន្ធ​ទេ៕
វិទូ

ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 012 454 575 និង 012 499 114

All rights and copyright belongs to author:
Themes
ICO