logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
star Bookmark: Tag Tag Tag Tag Tag
Cambodia

Terengganu FC ភ្លាត់​បរាជ័យ ក្នុង​ប្រកួត​ទី​៤ នៅ Malaysia Cup 2019

ក្នុង​វគ្គ​ជម្រុះ​តាម​ពូ​ល​នៃ​ពានរង្វាន់​លំដាប់​ទី​៣ របស់​ម៉ាឡេស៊ី គឺ​ពាន Malaysia Cup ប្រចាំឆ្នាំ ២០១៩ បានបញ្ចប់​ការប្រកួត​ទី​៤ នា​រាត្រី​ថ្ងៃ​សុក្រ ទី​២៣ ខែសីហា ដោយ​ក្នុង​ពូ​ល A ក្លិប Terengganu នៅតែ​ឈរ​កំពូល​តារាង ក្រោយ​បរាជ័យ​លើកដំបូង​ទល់នឹង Negeri Sembilan ៣ ទល់នឹង ២។

លទ្ធផល​នេះ បាន​នាំ​ឲ្យ​ពួកគេ​ឈរ​កំពូល​តារាង​ដដែល ដោយមាន​៩​ពិន្ទុ ឈរ​ពីលើ​ក្រុម Kedah ដែល​បាន​យកឈ្នះ​លើ PKNS ៣-២ ផងដែរ ក្នុងការ​ប្រកួត​ថ្ងៃ​ជាមួយគ្នា​។ Kedah មាន ៧​ពិន្ទុ តាម​ពីក្រោយ​ដោយ PKNS មាន ៤​ពិន្ទុ និង Negeri Sembilan មាន ៣​ពិន្ទុ ក្រោយ​ឈ្នះ​ប្រកួត​ដំបូង​របស់ខ្លួន​យប់មិញ​។

គួរ​រំលឹក​ថា ការប្រកួត​គឺ​នៅសល់ ២​ប្រកួត​ទៀត ដើម្បី​ស្វែងរក​ក្រុម​ដែលមាន​សិទ្ធិ​បន្តទៅ​កាន់​វគ្គ ៨​ក្រុម​ចុងក្រោយ ដោយ​ជ្រើស​យក​ក្រុម​លេខ ១​កំពូល​តារាង​នីមួយៗ និង​ក្រុម​ចំណាត់ថ្នាក់​លេខ​២​។ Terengganu FC នឹងត្រូវ​ជួប​គូប្រជែង Kedah នៅ​ថ្ងៃទី ១៣ ខែកញ្ញា ឆ្នាំ ២០១៩ ខាងមុខ និង​ជួប PKNS ក្នុងជំនួប​បិទ​ពូ​ល នៅ​ថ្ងៃទី ១៧ ខែ កញ្ញា។

ក្រ​ឡែក​ទៅ​និយាយ​អំពី​កីឡាករ​ជម្រើសជាតិ​កម្ពុជា ជា​រី ចន្ថា​ប៊ី​ន វិញ នៅតែ​ពុំ​មានឱកាស​បង្ហាញខ្លួន​ឲ្យ​ក្លិប​ឡើយ​ក្នុង ៣​ប្រកួត​កន្លង​មកនេះ ពោល​គឺ​មិនមាន​ឈ្មោះ​ក្នុង​បញ្ជី​កីឡាករ​ប្រកួត និង​នៅ​កៅអី​បម្រុង​ដូចគ្នា ដោយ​លេច​ឃើញ​រូបគេ តែ​នៅក្នុង​សកម្មភាព​ហ្វឹកហាត់​ប្រចាំថ្ងៃ​របស់​ក្លិប​តែប៉ុណ្ណោះ​។ តាម​ការ​ឱ្យដឹងពី ជា​រី ប្រាប់​ក្រុមការងារ កម្ពុ​ជាថ្មី ថា​រូបគេ​ប៉ុន្មាន​សប្តាហ៍​កន្លងមកនេះ ដែល​មិនអាច​បង្ហាញខ្លួន​ឱ្យ​ក្លិប គឺ​ដោយសារតែ​រូបគេ​មាន​របួស តែ​ថា​ឥលូវ​ខ្លួន​បាន​ធូរស្រាល​វិញ​ហើយ ត្បិត​មិនទាន់​ជាសះស្បើយ ១០០% ។

​គួរ​ឲ្យ​ដឹងថា ជា​រី បាន​ទៅ​ចូលរួម​ជាមួយ Terengganu FC កាលពី​ចុងឆ្នាំ​២០១៧ ដោយ​រួមរស់​ជាមួយ​ក្លិប​ចំនួន ២​រដូវ​កាល​ហើយ និង​ជួយ​ឲ្យ​ក្លិប​ឡើងដល់​វគ្គ​ផ្តាច់ព្រ័ត្រ Malaysia Cup កាលពី​ឆ្នាំ​២០១៨​កន្លងទៅ​៕
ម៉េង ហួរ

ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 012 454 575 និង 012 499 114

All rights and copyright belongs to author:
Themes
ICO