Cambodia

ថ្នាក់លើ​ខិតខំ​ហើយ មន្ត្រី​មូលដ្ឋាន​ក៏​គួរ​ចូលរួម​អនុវត្ត​ឲ្យ​មាន​ប្រសិទ្ធភាព

ចែករម្លែក

​ក្រសួងមហាផ្ទៃ តាមរយៈ​សម្តេច​ក្រឡាហោម ស ខេង កាលពី​ថ្ងៃទី​១ ខែកក្កដា ឆ្នាំ​២០២០​បានប្រកាស​ពី​ការ​បង្ខិត​សមត្ថកិច្ច​នៃ​ការផ្ដល់សេវា​ធ្វើ​សៀវភៅ​ស្នាក់ សៀវភៅ​គ្រួសារ​លិខិតបញ្ជាក់ ទីលំនៅ និង​ការស្នើ​ផ្សេងៗ ពាក់ព័ន្ធ​នឹង​ឯកសារ​ទាំងនេះ ទៅ កាន់​តែ​កៀក​ប្រជាពលរដ្ឋ​។ នោះ​គឺ​ការទម្លាក់​ការងារ​ទាំងនេះដល់​អធិការដ្ឋាន​នគ​របាល​ក្រុង​ស្រុក​ខណ្ឌ និង​រហូតដល់​ប៉ុស្តិ៍ នគរបាល​ឃុំ​សង្កាត់ តែម្ដង​។
​ ​
​សេចក្តីសម្រេច ចុះហត្ថលេខា ដោយ​សម្ដេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ​កាលពី​ថ្ងៃទី​១ ខែកក្កដា ឆ្នាំ​២០២០ បានសម្រេច ផ្ទេរ​សមត្ថកិច្ច​ពិនិត្យ ផ្ដល់​សៀវភៅ​ស្នាក់នៅ ទុតិយតា​សៀវភៅ​ស្នាក់នៅ លិខិតបញ្ជាក់​ទីលំនៅ ការប្រែប្រួល​នៃសមាជិកគ្រួសារ ការផ្លាស់ប្ដូរ​ទីលំនៅ និង​រាល់​ការកែតម្រូវ​ទិន្នន័យ​ក្នុង​បញ្ជី​ស្នាក់នៅ​ពី​អធិការដ្ឋា​ន​នគរបាល​ក្រុង​ស្រុក​ខណ្ឌ មកឱ្យ​ប៉ុស្តិ៍នគរបាល​រដ្ឋបាល​ឃុំ​សង្កាត់​។
​ ​
​ក្នុងនោះ ក្រសួងមហាផ្ទៃ ក៏បាន​សម្រេច​ផ្ទេរ​សមត្ថកិច្ច​ពិនិត្យ សម្រេច​ផ្ដល់​សៀវភៅ​គ្រួសារ ទុតិយតា​សៀវភៅ​គ្រួសារ ការប្រែប្រួល​នៃ​សមាជិកគ្រួសារ​និង​ការកែតម្រូវ​ទិន្នន័យ​ក្នុង​បញ្ជីគ្រួសារ ពី​ស្នងការដ្ឋាន​នគរបាល​រាជធានី​ខេត្ត ទៅឱ្យ​អធិការដ្ឋាន​នគរបាល​ក្រុង ​ស្រុក ​ខណ្ឌ ។​
​ ​
​ជាមួយគ្នា​នោះ សេចក្តីសម្រេច​ថ្មី​នេះ ក៏បាន​បញ្ជាក់ថា សៀវភៅ​ស្នាក់នៅ សៀវភៅ​គ្រួសារ ដែល​បាន​ផ្ដល់ជូន​កន្លងមក ហើយ​ពលរដ្ឋ កំពុង​ប្រើប្រាស់​បច្ចុប្បន្ន គឺ​នៅ​អាច​ប្រើប្រាស់​បាន ជាធម្មតា រហូតដល់​ថ្ងៃ​អស់​សុពលភាព​។​
​ ​
​នេះ​គឺជា​ការខិតខំ​ប្រឹងប្រែង​ថ្មី​មួយទៀត របស់​រាជរដ្ឋាភិបាល តាមរយៈ​ក្រសួងមហាផ្ទៃ​ការ​បង្ខិត សមត្ថកិច្ច​នៃ​ការផ្ដល់​សេវាសាធារណៈ និង​សេវា​តម្រូវការ​ឲ្យ​កាន់តែ​កៀក​ដល់​ប្រជាពលរដ្ឋ នៅ​មូលដ្ឋាន​។​
​ ​
​ជាការ​ពិត កន្លងមក ប៉ូលិស​នៅ​ប៉ុស្តិ៍​ឃុំ​សង្កាត់​មួយចំនួន ដែល​បំបែក​ចេញពី​ឃុំ​សង្កាត់​ចាស់ និង​ទើប​បង្កើត​ថ្មី បាន​ដំណើរការ​ផ្លាស់ប្តូរ​សៀវភៅ​ស្នាក់នៅ និង​សៀវភៅ​គ្រួសារ ព្រមទាំង បញ្ជាក់​ឯកសារ​ផ្លាស់ប្តូរ​លំនៅឋាន បានធ្វើ​ការងារ​ទាំងនេះ​ដោយ​មិន​យក​កម្រៃ​ពី​ប្រជាពលរដ្ឋ នោះទេ​។ ស្លាក​អក្សរ ធ្វើ​ការងារ​ទាំងនេះ ដោយ​មិន​យក​កម្រៃ ត្រូវបាន​បិទ​នៅ​ជញ្ជាំង​តាម​ប៉ុស្តិ៍ ប៉ូលិស​ឃុំ​សង្កាត់​ទាំងនោះ​។​
​ ​
​ក៏ប៉ុន្តែ​ក៏​នៅមាន​ប៉ូលិស​ឆក់​ឱកាស​មួយចំនួន​តូច នៅតែ​បន្ត​រកលុយ​តាមរយៈ​សេវា​រត់ការ ឬក៏​ទារ​យកលុយ​ត្រង់ៗ​ពី​ប្រជាពលរដ្ឋ ដែល​មិនមាន​ពេល ឬក៏​មិនបាន​សរសេរ​ពាក្យ​ស្នើ សុំ​ធ្វើ​សៀវភៅ​ស្នាក់នៅ សៀវភៅ​គ្រួសារ ឬក៏​ស្នើសុំ​បញ្ជាក់​ផ្លាស់ប្តូរ​ទីលំនៅ ជាដើម​។ ទាំងនេះជាហេតុ​នាំ​ឲ្យ​បង្ក​ការ​អាក់អន់ចិត្ត ឬ​បង្ក​ការរិះគន់​លើ​ប៉ូលិស​ល្អៗ​ផ្សេងទៀត​។​
​ ​
​ថ្នាក់ដឹកនាំ​រាជរដ្ឋាភិបាល ក្រសួងមហាផ្ទៃ បាន​ខិតខំ​ធ្វើយ៉ាងណាឲ្យ​ការផ្តល់សេវា​ទាំងនេះ កាន់តែ​ងាយស្រួល​ជូន​ប្រជាពលរដ្ឋ​ហើយ​។ ដូច្នេះ​មន្ត្រី​មូលដ្ឋាន រាប់​ចាប់ពី​ថ្នាក់​ក្រុម ភូមិ និង​ឃុំ​សង្កាត់ ទាំង​ប៉ូលិស ទាំង​ស៊ីវិល ក៏​គួរតែ​ចូលរួម​អនុវត្ត​នូវ​សេចក្តី សម្រេច និង​ការណែនាំគោលការណ៍​នានា ឲ្យ​មាន​ប្រសិទ្ធភាព​។ មិនជា​រឿង​ល្អ​ទេ ដែល​កំណត់​ទារលុយ​ប្រជាពលរដ្ឋ ក្នុង​សម័យនេះ​។ គេ​មាន​ហ្វេ​ស​ប៊ុ​ក ទូរស័ព្ទដៃ​គ្រប់គ្នា តែមាន​រឿង​អី គេ​ថត​ផ្សាយ​បង្ហោះ ហ្វេ​ស​ប៊ុ​ក នោះ​នឹង​នាំ​ឲ្យ​វីវរ​ទៅវិញ​ទេ ចំពោះ​មន្ត្រី​ខិលខូច​មួយចំនួន​។ បើ​ដឹង​ដល់​ថ្នាក់លើ អាច​នឹង​របូត​ស័ក្តិ​អស់​ការងារ​ធ្វើ ហើយ​បើ​ករណី​ធ្ងន់ធ្ងរ អាច​នឹង​ជាប់គុក​ថែមទៀត​ក៏​ថា​បាន​៕ ដោយៈ ម៉េង​ឆៃ​/hA

Football news:

Barcelona cannot agree with Ter Stegen on a new contract. The goalkeeper wants to stay
We found out how the fascinating logo of Iceland appeared: Game of thrones has nothing to do with it, the source of audacity is the success of the national team
Ronaldo-Casillas: Proud that we shared great moments
Bayern want to sell Boateng in the summer. The club has no offers yet
Solskjaer on the Europa League: a Trophy would be a big step forward for Manchester United. We want to win something
Juve have contacted Zidane, Pochettino, Inzaghi, Spalletti and Gasperini about working at the club. The Real Madrid coach refused
Coach Of Brentford: We went from a mid-level team to the third team of the season. This is an incredible achievement