Cambodia

វៀតណាម​បង្ហាញ​នូវ​តួនាទី​សកម្ម​និង​មានការ​ទទួលខុសត្រូវ​ក្នុងនាម​ជា​ប្រធាន​អាស៊ាន​

ចែករម្លែក

ការរៀបចំ​ប្រកបដោយ​ជោគជ័យ​នូវ​កិច្ចប្រជុំ​កំពូល​អាស៊ាន​លើក​ទី ៣៦ ក្នុង​បរិបទ​ដែល​ជំងឺ​រាតត្បាត​សកល​កូ​វីដ​១៩( COVID-19) មាន​ការវិវត្ត​ដ៏​ស្មុគស្មាញ​នោះ វៀតណាម​បានបញ្ជាក់​ជាថ្មី​ម្តងទៀត​នូវ​តួនាទី​ជា​អ្នកត្រួសត្រាយ​ផ្លូវ សកម្ម​និង​មានការ​ទទួលខុសត្រូវ​ជា​ប្រធាន​អាស៊ាន​។​
​ជាមួយនឹង​សេចក្តីថ្លែងការណ៍​“​ចក្ខុវិស័យ​ស្តីអំពី​អាស៊ាន​មួយ​មាន​ភាព​ស្អិតរ​មួ​ត​និង​ការឆ្លើយតប​:​ជម្នះ​រាល់​បញ្ហា​ប្រឈម​និង​រក្សា​កំណើន​ប្រកបដោយ​ចីរភាព​” និង​សេចក្តីថ្លែងការណ៍​អាស៊ាន​ស្តីពី “​ការអភិវឌ្ឍ​ធនធានមនុស្ស​សម្រាប់​ពិភព​ការងារ​ដែល​កំពុង​ផ្លាស់ប្តូរ​” កិច្ចប្រជុំ​កំពូល​អាស៊ាន​លើក​ទី ៣៦ និង​កិច្ចប្រជុំ​ពាក់ព័ន្ធ​នា​ន​សុទ្ធតែ​ទទួលបាន​ជោគជ័យ​យ៉ាង​ល្អប្រសើរ ខណៈពេលដែល ប្រទេស​អាស៊ាន​ទាំង ១០ បាន​សម្តែង​ការ​ស្រុះចិត្ត​គំនិត និង​ឯក​ភាពជា​ឯកច្ឆន្ទ​ក្នុងការ​ឆ្លើយតប​ប្រកបដោយ​ប្រសិទ្ធភាព​ទៅនឹង​ជំងឺ​រាតត្បាត កូ​វីដ​១៩ ទន្ទឹមនឹង​ការស្តារ​សេដ្ឋកិច្ច – សង្គម​នៅក្នុង​តំបន់​។​

ទិដ្ឋភាពនៃកិច្ចប្រជុំកំពូលអាស៊ានលើកទី ៣៦ ផ្សាយចេញពីរដ្ឋធានីហាណូយនៃប្រទេសវៀតណាម (រូបថត៖ Bangkok Post)


​នេះ​គឺជា​កិច្ចប្រជុំ​កំពូល​ជាប្រចាំ​របស់​អាស៊ាន ដែល​ត្រូវបាន​ប្រារព្ធ​ធ្វើឡើង​តាម​ប្រព័ន្ធ​វីដេអូ​ជា​លើកដំបូង​នៅក្នុង​ប្រវត្តិសាស្ត្រ​នៃ​ការបង្កើត​និង​ការអភិវឌ្ឍន៍​របស់​ស​មា​គម​។ ធ្វើការ​វាយតម្លៃ​នូវ​តួនាទី​របស់​វៀតណាម ថ្នាក់ដឹកនាំ​នៃ​ប្រទេស​ជាច្រើន​ក៏ដូចជា​សាធារណៈមតិ​អន្តរជាតិ​បាន​ចែករំលែក​ថា វៀតណាម​បាន​បំពេញ​យ៉ាង​ល្អប្រសើរ​នូវ​តួនាទី​ជា​ប្រធាន​អាស៊ាន​ក្នុង​រយៈពេល ៦ ខែ​កន្លងមក​។​
​អគ្គលេខាធិការ​អាស៊ាន​លោក Dato Lim Jock Hoi មានប្រសាសន៍ថា ប្រធានបទ​នៃ​ឆ្នាំ​ប្រធាន​អាស៊ាន​របស់​វៀតណាម​ស្តីពី​ការកសាង “​អាស៊ាន​មួយ​មាន​ភាព​ស្អិតរ​មួ​ត​និង​មានការ​ឆ្លើយតប​“ គឺ​សមស្រប​យ៉ាងខ្លាំង​ចំពោះ​ស្ថានភាព​បច្ចុប្បន្ន ព្រមទាំង​អះអាងថា កិច្ចប្រជុំ​កំពូល​អាស៊ាន​លើក​ទី ៣៦ គឺជា “​សក្ខីភាព​ជាក់ស្តែង​” សម្រាប់​ចំណង​សាមគ្គីភាព​និង​តួនាទី​ដឹកនាំ​របស់​អាស៊ាន ដែល​បាន​សម្តែង​តាមរយៈ​កិច្ចសហប្រតិបត្តិការ​ក្នុង​តំបន់​។​


​ចំណែកឯ​នាយករដ្ឋមន្ត្រី​ឡាវ លោក Thongloun Sisoulith បាន​វាយតម្លៃ​ជា​វិជ្ជមាន​លើ​ជោគជ័យ​របស់​អាស៊ាន​ក្នុង​រយៈពេល​កន្លងមក ខណៈដែល​អនុរដ្ឋមន្ត្រី​ការបរទេស​និង​ជា​ប្រធាន SOM អាស៊ាន​ឡាវ លោក Thongphane Savanphet បាន​អះអាងថា វៀតណាម​បាន​បំពេញ​តួនាទី​ជា​ប្រធាន​អាស៊ាន​យ៉ាង​ល្អ ចាប់ពី​ដើម​អាណត្តិ​មក​រហូតដល់​បច្ចុប្បន្ន​នេះ​។ យោងតាម​លោក​ប្រធាន SOM អាស៊ាន​ឡាវ​រូបនេះ ទោះបី​កំពុង​ប្រឈមមុខ​នឹង​ការលំបាក​ជាច្រើន​ក៏ដោយ​ក៏​វៀតណាម​បាន​ដឹកនាំ​បណ្តា​ប្រទេស​អាស៊ាន​សហប្រតិបត្តិកា​រ​ក្នុងការ​ប្រយុទ្ធ​ប្រឆាំងនឹង​ការរីក​រាលដាល​នៃ​ជំងឺ​រាតត្បាត COVID-19 ក៏ដូចជា​សកម្មភាព​ផ្សេងទៀត​។​
​អញ្ជើញ​ចែករំលែក​អំពី​បញ្ហា​នេះ នាយករដ្ឋមន្ត្រី​កម្ពុជា សម្តេច តេ​ជោ​ហ៊ុន សែន បាន​បញ្ជាក់ថា កិច្ចប្រជុំ​កំពូល​អាស៊ាន​លើក​នេះ បាន​ឆ្លុះបញ្ចាំង​ពី​សមត្ថភាព​របស់​វៀត​ណា​ម​ក្នុង​ការដឹកនាំ​អាស៊ាន ថ្វីត្បិតតែ​ជួបប្រទះ​នឹង​ការលំបាក​ដែល​បណ្តាលមកពី​ជំងឺ​រាតត្បាត COVID-19 ក៏ដោយ​។​


​ជាមួយគ្នានេះដែរ លោក Ahmad Ibrahim Almutaqqi នាយក​កម្មវិធី​ស្រាវជ្រាវ​អាស៊ាន​នៃ​មជ្ឈមណ្ឌល Habibie – ឥណ្ឌូណេស៊ី បាន​ចាត់ទុកថា កិច្ចប្រជុំ​កំពូល​លើក​នេះ មិន​ត្រឹមតែ​ឆ្លើយតប​ទៅនឹង​ជំងឺ COVID-19 ដែល​កំពុង​គំរាមកំហែង​ដល់​សុខភាព​សកលលោក​ប៉ុណ្ណោះ​ទេ ថែមទាំង​រិះរក​ដំណោះស្រាយ​សម្រាប់​ដំណាក់កាល​ក្រោយ​ជំងឺ​រាតត្បាត​ទៀតផង​។ នេះ​ក៏​ជា​ឱកាស​សំខាន់​សម្រាប់​អាស៊ាន ក្រោម​ការដឹកនាំ​របស់​វៀតណាម​ក្នុង​ឆ្នាំ​កាន់តំណែង​ប្រធាន​ប្តូរ​វេន​។ ដ្បិតតែ​ការរីក​រាលដាល​នៃ​ជំងឺ COVID-19 បាន​រំខាន​ដល់​សកម្មភាព​របស់​អា​ស៊ាន​ក៏ពិតមែន ប៉ុន្តែ​វៀតណាម​បាន​បំពេញការងារ​របស់ខ្លួន​យ៉ាង​ល្អ បន្ត​ដឹកនាំ​អាស៊ាន​ប្រតិបត្តិ​រាល់​សកម្មភាព ដែល​ក្នុងនោះ មានការ​រៀបចំ​កម្ម​កិច្ចប្រជុំ​កំពូល​សំខាន់ៗ​ផងដែរ​។​


​អ្នកប្រាជ្ញ​ល្បីឈ្មោះ​ឥណ្ឌូណេស៊ី​ម្នាក់ទៀត គឺ​សាស្ត្រាចារ្យ Aleksius Jemadu បាន​វាយតម្លៃថា វៀតណាម​បាន​ដើរតួនាទី​ល្អ​ក្នុងការ​ដឹកនាំ​ប្រទេស​សមាជិក ដើម្បី​រក្សា​ម​ជ្ឈ​ភាព​របស់​អាស៊ាន ក៏ដូចជា​ធានា​ប្រទេស​សមាជិក​ទាំងអស់​រក្សា​សាមគ្គីភាព​និង​ឯកភាព​ផ្ទៃក្នុង​ក្នុង​គោលបំណង​រក្សា​ស្ថេរភាព​ក្នុង​តំបន់​។​
​លោក​សាស្ត្រាចារ្យ Aleksius បានបង្ហាញ​នូវ​ជំនឿ​ថា វៀតណាម​ស្ថិតក្នុង​ជំហរ​ល្អ​បំផុត​នៃ​ភាពជា​អ្នកដឹកនាំ​អាស៊ាន​នាពេលនេះ​។ លោក​បាន​សង្កត់ធ្ងន់ថា “​បណ្តា​ប្រទេស​អាស៊ាន​ដទៃទៀត​សុទ្ធតែ​រំពឹងថា វៀតណាម​នឹង​ដើរតួនាទី​ដ៏​មាន​ប្រសិទ្ធិភាព​ក្នុងការ​បង្រួបបង្រួម​អាស៊ាន​និង​ផ្តល់​អាទិភាព​ដល់​ការលើកកម្ពស់​តួនាទី​ម​ជ្ឈ​ភាព​របស់​អាស៊ាន​នៅក្នុង​អាណត្តិ​ប្រធាន​អាស៊ាន ២០២០ របស់ខ្លួន​”​។​
​បណ្ឌិត Balaz Szanto នៃ​នាយកដ្ឋាន​ទំនាក់ទំនង​អន្តរជាតិ នៃ​សាកលវិទ្យាល័យ Webster Thailand (​ថៃ​) បាន​លើក​ច្បាស់​ថា វៀតណាម​ជា​សមាជិក​សំខាន់ និង​ជា​ប្រទេសមួយ​ដែលមាន​តួនាទី​សំខាន់​ក្នុង​អាស៊ាន​។ តួនាទី​ជា​អ្នកដឹកនាំ​អាស៊ាន​របស់​វៀតណាម​នឹងមាន​ឥទ្ធិពល​វិជ្ជមាន​ទៅលើ​បញ្ហា​ក្នុង​តំបន់​ជាពុំខាន​។​

នាយករដ្ឋមន្ត្រី​រដ្ឋាភិបាល​វៀតណាម លោក Nguyen Xuan Phuc អញ្ជើញ​ថ្លែង​មតិ​ក្នុង​ពិធី​បើក​កិច្ចប្រជុំ​កំពូល​អាស៊ាន​លើក​ទី ៣៦ (​រូប​ថ​តៈ VGP)


​ចំណែកឯ​គេហរ​ទំព័រ rsis.edu.sg របស់​សិង្ហ​បុរី​ចេញផ្សាយ​នៅ​ថ្ងៃទី ២៤ ខែមិថុនា មាន​បទ​អត្ថាធិប្បាយ​អំពី​តួនាទី​របស់​វៀតណាម​ក្នុងការ​ជំរុញ​ភាព​ស្អិតរ​មួ​ត​និង​ការឆ្លើយតប​យ៉ាងសកម្ម​របស់​អាស៊ាន​។ យោងតាម​អត្ថបទ​នេះ ប្រធានបទ​របស់​អាស៊ាន​ក្នុងឆ្នាំនេះ “​ភាព​ស្អិតរ​មួ​ត​និង​ការឆ្លើយតប​” វៀតណាម​កំពុង​ដោះស្រាយ​បញ្ហា​ប្រឈម​យ៉ាង​មាន​ប្រសិទ្ធិភាព​ក្នុងការ​ទទួលយក​តួនាទី​ជា​ប្រធាន​អាស៊ាន ២០២០ ជាមួយនឹង​ភារកិច្ច​អាទិភាព​គឺ​ដឹកនាំ​អាស៊ាន​ឆ្ពោះទៅរក​យុទ្ធសាស្ត្រ​រួមមួយ​ដើម្បី​ទប់ទល់​នឹង​ការរីក​រាលដាល​នៃ​ជំងឺ​រាតត្បាត COVID-19​។​
​ដោយមាន​ការសម្របសម្រួល​ប្រកបដោយ​ភាព​ប៉ិនប្រសព ដឹកនាំ​ប្រទេស​ជា​សមាជិក​ដើម្បី​គ្រប់គ្រង​រាល់​បញ្ហា​ប្រឈម​នោះ ជាថ្មី​ម្តងទៀត វៀតណាម​បាន​អះអាង​នូវ​ការប្តេជ្ញាចិត្ត ដើម្បី ឆ្ពោះទៅរក​អាស៊ាន​មួយ “​ភាព​ស្អិតរ​មួ​ត​និង​ការឆ្លើយតប​” ដូច​អ្វីដែល​វៀតណាម​ធ្លាប់​បានធ្វើ​។​


​ធ្វើការ​វាយតម្លៃ​អំពី​សកម្មភាព​របស់​វៀ​ត​ណា​ម​ក្នុង​រយៈពេល ៦ ខែ​ដើម​ឆ្នាំនេះ ជាពិសេស​ពាក់ព័ន្ធ​នឹង​កិច្ចព្រមព្រៀង​ពាណិជ្ជកម្ម​នៃ​ភាពជា​ដៃគូ​សេដ្ឋកិច្ច​គ្រប់​ជ្រុងជ្រោយ​ក្នុង​តំបន់ (RCEP) លោក​បណ្ឌិត Chehheang Vannarith ប្រធាន​វិទ្យាស្ថាន​ចក្ខុវិស័យ​អាស៊ី (AVI) មាន​មូលដ្ឋាន​នៅ​ភ្នំពេញ (​កម្ពុជា​) បាន​វាយតម្លៃថា ក្នុង​ឆ្នាំ​កាន់ដំណែង​ជា​ប្រធាន​ប្តូរ​វេន​របស់​អាស៊ាន វៀតណាម​បាន​សម្របសម្រួល​និង​ជំរុញ​ប្រកបដោយ​ប្រសិទ្ធភាព​នូវ​ដំណើរការ​ចរចារ​ដើម្បី​ឈានដល់​ការព្រមព្រៀង​និង​ឆ្ពោះទៅ​បញ្ចប់​ការចរចារ RCEP ទោះបីជា​ឥណ្ឌា​សម្រេចចិត្ត​ដកខ្លួន​ចេញ​នៅ​នាទីចុងក្រោយ​ក៏ដោយ​។​


​យ៉ាងណាមិញ លទ្ធផល​នៃ​កិច្ចប្រជុំ​កំពូល​អាស៊ាន​លើក​ទី ៣៦ និង​មុន​នោះ​ពីរ​ខែ​គឺ​កិច្ចប្រជុំ​កំពូល​ពិសេស​អាស៊ាន​និង​កិច្ចប្រជុំ​កំពូល​ពិសេស​អាស៊ាន​បូក ៣ ស្តីពី​ការឆ្លើយតប​ទៅនឹង​ការរីក​រាលដាល​នៃ​ជំងឺឆ្លង COVID-19 ដែល​បានកត់សម្គាល់​នូវ​ភាពជា​អ្នកដឹកនាំ​របស់​វៀតណាម​ក្នុងតួនាទី​ជា​ប្រធាន​អាស៊ាន ដើម្បី​ទប់ទល់​នឹង​បញ្ហា​ប្រឈម​ដែល​មិន​ធ្លាប់មាន​ពីមុនមក រួមចំណែក​ក្នុងការ​លើកកម្ពស់​សាមគ្គីភាព​និង​ឯកភាព​ក្នុង​អាស៊ាន​៕សរន

Football news:

Goretska Pro 8:2 with Barca: This is only the first of three steps
Matteus on the defeat of Barca: it is Painful to see what happened to the team that inspired us for so many years
Bartomeu met with Pochettino this week. He could replace Sethien at Barca
Salihamijic Pro 8:2 with Barca: Bayern are very happy, but they want more
Recently, Mueller did not want to renew his contract with Bayern. Now he's turning the football around
The baby may get angry and leave. Luis Suarez Miramontes about Messi
Joan Laporta: bartomeu's Words are a manifestation of cowardice and failure